Mrsic visitou a escola de arte Ramón Falcón
O adestrador do Río Breogán, Veljko Mrsic, visitou a escola de artes de Lugo e compartiu unha mañá cos alumnos e profesores do centro cos que compartiu material didáctico do programa Xuntos da Man, que o Breogán, xunto do CD Lugo e co patrocinio da Deputación de Lugo, impulsan paa difundir os valores do deporte entre os máis novos.
O técnico, que tamén se ofreceu como “modelo” para unha sesión de estudio cos alumnos e profesores de deseño e fotografía, recibiu tamén material elaborado polos alumnos, como a innovadora publicación “ENE-EME” do ciclo de deseño.
