Erik Quintela, exemplo para os rapaces do combinado lucense do Breo
O base do Río Breogán impartiu un adestramento específico ao combinado da provincia de Lugo que representará ao Breo na Fase previa da Minicopa ACB.
O xogador deu unha serie de consellos aos compoñentes do equipo e corrixiu algúns movementos para un mellor manexo do balón, e na defensa das posicións exteriores.
Erik Quintela desexou sorte ao equipo e, na charla final da sesión, repasou a súa traxectoria desde as categorías de base en Lugo, e o seu paso por Portugal, EBA, LEB Plata, LEB Oro e o soño de defender a camiseta do Breo en ACB. A constancia e o traballo diario foi unha das ideas máis repetidas polo profesional do Breo para os novos valores.
