Os adestradores lucenses Rubén Arce y Javier López Muñoz visitaron a exposición na explanada da Deputación.
A mostra “Galiza. Un pobo, unha selección”, organizada por Vía Galega coa colaboración da Vicepresidencia da Deputación de Lugo, foi visitada polos adestradores lucenses que forman parte do corpo técnico do Club Baloncesto Breogán e Club Deportivo Lugo.
A exposición, instalada na praza diante da Deputación de Lugo, repasa a historia do deporte galego, afondando na participación de deportistas do país nos Xogos Olímpicos, na traxectoria das seleccións galegas e na mobilización social arredor do dereito de Galiza a participar con equipos propios en competicións internacionais.
